Фудбалерот на Барселона, Пјер – Емерик Обамејанг рече денеска дека каталонскиот клуб има мноштво талентирани играчи и голем потенцијал за следната сезона.
Барселона сезонава заврши на второто место во Ла Лига и не освои ниту еден трофеј.
-Имаме многу неверојатно талентирани фудбалери, кои само мораат да работат и да веруваат во себе. Кога си млад, колку повеќе играш, толку повеќе имаш самодоверба. Тоа е причината поради која Барселона ќе се врати, изјави Обамејанг.
Габонскиот фудбалер дојде во Барселона во јануари без обесштетување од редовите на Арсенал и истакна дека сака да остане во каталонскиот клуб „што е можно подолго“. (МИА)
