Големи се шансите португалската ѕвезда да биде во почетниот состав на „Црвените ѓаволи“ уште претстојниов викенд во пресметката со Њукасл на домашен терен.

Пол Погба верува дека враќањето на Кристијано Роналдо на „Олд Трафорд“ ќе помогне да се крене нивото на игра на Манчестер јунајтед во новата сезона.

„Секогаш е задоволство да играте покрај најдобрите во еден тим, а дополнително, тоа е мотив плус за самите фудбалери да тренираат со голем фудбалер“ вели Погба.

„Роналдо ќе го крене нивото на игра на тимот оваа сезона“ заклучи Французинот.

Роналдо се врати во Манчестер јунајтед по цели 12 години откако за сума од близу 20 милиони фунти направи трансфер од Јувентус, големи се очекувањата да биде дел од почетниот состав на „Црвените ѓаволи“ за пресметката со Њукасл на домашен терен претстојниот викенд во четвртото коло од Премиерлигата.