Екипата на Пари Сен Жермен денес објави дека се раздели со Маурицио Почетино, а веднаш беше промовиран и неговиот наследник. Нов шеф на стручниот штаб на парижани ќе биде Кристоф Галтие.
Досегашниот предводник на Ница се сели од Азурниот брег во престолнината на Франција и парафира соработка со „светците“ до 2024 година. Галтие беше тренер на Ница во минатата сезона, ја водеше екипата на 43 натпревари и освојуваше во просек по 1,84 бода. Тој претходно работеше четири години во Лил, а најдолго седеше на клупата на Сент Етјен, од 2009 до 2017 година.
55-годишникот ќе го наследи Почетино, ќе има тешка задача да ја контролира соблекувалната која е преполна со ѕвезди, а и целите на ПСЖ се огромни. Примарна цел е напад на трофејот во Лигата на шампионите, воедно со освојувањето на трофеите во Франција.