Фудбалерите на Манчестер јунајтед, синоќа им приредија уште едно разочарување на своите навивачи. Загубија од Галатасарај на „Олд Трафорд“ со 3:2. Вториот последователен пораз во Лигата на шампионите го смести Јунајтед на последното место на табелата во групата А.

Јунајтед два пати водеше, Галатасарај промаши пенал на 2:2, на крајот гостите сепак забележа победа.

Натпреварот го анализираа поранешните фудбалери на Манчестер јунајтед, Рио Фердинанд и Пол Сколс.

„Во еден момент бев висок како змеј, во следниот бев очаен“, опиша како се чувствувал за време на натпреварот, легендарниот капитен на „црвените ѓаволи“, Рио Фердинанд.

Пол Сколс додаде:

„Ова е ужасен резултат“.

Анализата е следна:

„Јас сум разочаран. Мислам дека Манчестер јунајтед не одигра толку лошо, но сите муабети пред натпреварот беа дека нема голови, дека треба да се подобри ефикасноста. Ја запоставивме дефанзивната страна на играта, не беше доволно добра, играчите на Галатасарај беа насекаде“.

И за крај, коментар на навивач на Јунајтед упатен до играчите и Ерик Тен Хаг.

„Без храброст, без посветеност, без Хари Мегваер да биде обвинет дека е виновен. Кој е вашиот изговор овој пат, Ерик?

Јунајтед загуби шест од првите десет натпревари во сезоната за прв пат од 1986 година.

Следниот натпревар ќе го одигра во сабота на истиот стадион против Брентфорд во Премиер лигата.