Маурицио Сари би можел да добие отказ од Јувентус, доколку тимот не успее да ја освои Лигата на шампиони или барем да стигне до финалето.

По поразот од Лион од 1-0 на првиот осминафинален натпревар, се зголеми притисокот врз италијанскиот тренер. Медиумите веќе почнаа да шпекулираат околу иднината на Сари, а таа не е блескава.

Сепак, Сари нема да остане долго без работа, бидејќи неговата репутација е голема, па италијанските медиуми велат дека тој би можел да биде нов тренер на Милан. Паоло Малдини и Звонимир Бобан го сакаа Сари на клупата на „Сан Сиро“ и минатото лето, но искусниот стратег го одбра Јувентус, по една сезона во Челси.

Оваа опција може да пропадне во вода доколку Малдини и Бобан бидат отпуштени ова лето, за што на големо се шпекулира на Апенините. Финансискиот директор Иван Газидис префери тренерската позиција да му ја довери на Ралф Рангник.