Холандија и се реваншираше на Турција за поразот на стартот од квалификациите за СП 2022, вечерва во Амстердама, „лалињата“ славеа со убедливи 6-1. Холандија беше предводена од разиграниот Депајј кој постигна хет-трик,

Антоан Гризман со два гола донесе победа на Франција од 2-0 над Финска, „триколорите“ со овој триумф се зацврстија на првото место во групата.

Данска со висока победа од 5-0 над Израел остана со 100% учинкок и со 18 бода веќе со една нога е на мундијалот во Катар.

Халанд уште еднаш покажа дека е гол-машина, напаѓачот на Борусија забележа хет-трик против Гибралтар во победата на Норвешка од 5-1.

Русија рутински одработи против Малта и со 2-0 стигна до нови три бода.Изненадување во завршните минути од натпреварот на Босна и Херцеговина, во дуелот на „Билино Поле“ приреди Казахстан, освојувајќи бод (2-2).

Српските фудбалери беа подобар противник „Авива“ стадионот во Даблин, имаа поголем посед на топката, повеќе шутеви кон голот, повеќе корнери, ги постигнаа двата гола, но на крајот останаа без победата.

Вистински трагичар на натпреварот е Никола Миленковиќ кој си постигна автогол во 87 минута од натпреварот. Сергеј  Милинковиќ-Савиќ во желба да ја избие топката од сопствениот петерец, го погоди Миленковиќ по што топката влезе во голот на Рајковиќ. Претходно токму Милинковиќ-Савиќ во 20. минута го постигна голот за Србија.

 Хрватска во Сплит со убедливи 3:0 ја совлада Словенија и се искачи на првото место на табелата во групата Х.  Головите за „коцкестите“ ги постигнаа Ливаја, Пашалиќ и Влашиќ.