Селекцијата на Украина е наредниот ривал на македонската фудбалска репрезентација во квалификациите за Европското првенство кое во 2024 година ќе се одржи во Германија.
На 16 јуни избраниците на Милевски ќе бидат домаќините на Украинците кои во Скопје можат да дојдат со нов селектор, познато име од овие простори.
Италијанскиот новинар Фабрицио Романо информира дека хрватскатата легенда Славен Билиќ е кандидат за селектор Украина која во моментов е предводена од Руслан Ротан.
Ако федерацијата се реши да направи промена, тогаш Билиќ е стратег кој е највисоко на листата. Неговиот последен ангажман беше во Вотфорд каде не се прослави, а претходно освен во Англија работеше и во Турција, Русија, Саудиска Арабија и Кина.
Славен од 2004 до 2012 година беше селектор на младата и на сениорската репрезентација на Хрватска.
