Дејвид Голд, еден од двајцата претседатели на Вест Хем, почина денес на 87-годишна возраст, објави фудбалскиот клуб.

-Со длабока тага Вест Хем може да потврди дека еден од претседателите на клубот, Дејвид Голд, почина мирно утрово по кратко боледување, соопштија од клубот.

-Сите ние во клубот, со длабока тага и скршено срце жалиме за смртта на нашиот колега и пријател Дејвид“, изјави Дејвид Саливан, кој ја дели функцијата претседател на клубот со Голд.

-Од целата наша заедничка работа, ниту една не ни донесе толку среќа и не направи толку горди како денот кога го презедовме Вест Хем, нашиот клуб, во 2010 година. Дејвид има долга и нераскинлива врска со клубот, растејќи покрај Бојл Граунд и играјќи за клубот во младинските редови. Тој секогаш го сакаше само она што е најдобро за Вест Хем и неговата смрт е тешка и огромна загуба за сите нас, додаде Саливан.

Дејвид Голд е роден на 9 септември 1936 година. Тој беше претседател на Бирмингем до 2009 година, а од 2010 година до неговата смрт беше копретседател на Вест Хем.

По кратко боледување почина во својот дом опкружен со најблиското семејство.