Тренерот на Манчестер јунајтед, Ерик тен Хаг е задоволен од вчерашната победата (1:0) на тимот над Лион на натпреварот одигран во Единбург.
Сепак, Тен Хаг им забележа на своите избраници дека мора да ја подобрат ефикасноста која според него беше проблем мината сезона.
– Треба да постигнуваме повеќе голови. Истиот проблем го имавме и минатата сезона. Фудбалерите треба да разберат дека во последната фаза од нападот е неопходно да се биде поладнокрвен и немилосрден. Слабата ефикасност мора да се надмине во новата сезона, изјави Тен Хаг.
Манчестер јунајтед минатата сезона заврши на третото место во Премиер лигата.
