Репрезентативецот на Македонија, Езгјан Алиоски дефинитивно го напушта Ал Ахли.

Пред неколку дена медиумите во Саудиска Арабија пишуваа дека македонскиот репрезентативец и Ал Ахли ја раскинале соработката. Алиоски сепак вчера одново како и на претходните три натпревари во сезоната беше стартер.

Го одигра Џани скоро цел натпревар, заменет беше во судиското продолжение во 97. минута. Во тој момент Алиоски доби овации како „збогум“ од навивачите на саудискиот клуб.

Thank you Alioski 💚💚💚💚@ezgjanalioski
pic.twitter.com/876gAtx2Dg

— liilO (@liilO_84) August 29, 2023

Алиоски игра солидно на почетокот на сезоната, но причината поради која заминува е прекубројниот број на странци. Клубот има девет, а може да регистрира осум, па раководството се одлучи токму него да го „жртвува“.

Засега постојат најави за враќање на Алиоски во Европа, поточно во турски клубови, меѓутоа во игра се и други клубови од Саудиска Арабија.