Рома на потешкиот начин стигна до три бода против Верона и направи пресврт во самата завршница, а важен удел за ваков расплет имаше и Тами Ејбрахам.

Англискиот напаѓач ја усложни работата за Рома со своето нереално промашува при резултат 0:0 и го однесе мечот во друг правец, па откако Верона поведе, Рома израмни и потоа дочека инспирација од младиот Волпато.

Талентот од младинскиот погон на Рома постигна гол и асистираше за конечни 1:3 во самиот финиш, но на социјалните мрежи се уште се врти видеото од промашувањето на Ејбрахам.

Напаѓачот е во ужасна форма и не успеа да постигне ниту еден гол во месец октомври, односно последниот во Серија А датира од 12-ти сепмтеври кога стрелаше на мечот со Емполи.

Вчеравечер, Ејбрахам се посрамоти од идеална позициија, а доста урнебесна беше и реакцијата на Мурињо кој превртуваше очи по утката на Тами.