Беше јасно кога пристигна во Реал Мадрид во 2018 година дека е голем талент, но дури кога Карло Анчелоти се врати во шпанската престолнина, бразилскиот мајстор Винисиус Јуниор „експлодира“ и стана еден од најдобрите фудбалери на планетата, легендата на Реал. Гути го кажува најдоброто.

Затоа, не е чудно што овој крилен напаѓач би сакал да ја продолжи соработката со легендарниот италијански стручњак.

И не само во Реал.

„Каде би сакал да ме тренира Анчелоти – Реал или бразилската репрезентација? Се надевам на едно или на друго место “, изјави Винисиус по синоќешната победа на европскиот првак против Челзи (2:0) во првиот натпревар од четвртфиналето на Лигата на шампионите.

Анчелоти беше поврзуван со Бразил откако Тите по Мундијалот си замина од клупата на петкратниот светски шампион и се уште се споменува како еден од сериозните кандидати за преземање на оваа функција.

Од друга страна, неговиот договор со Реал истекува во 2024 година, но во последно време се повеќе се шпекулира дека би можел да го напушти Мадрид на лето.