Македонскиот таеквондистот Дејан Георгиевски се пласира во полуфиналето, категорија +80 килограми Олимпискиот турнир во Токио.
Откако утринава го победи актуелниот светски шампион Рафаел Алба од Куба, Георгиевски патот кон олимпискиот медал го продолжи и со победата над Саиду Гбане од Брегот на Слоновата коска.
Георгиевски по три одиграни рунди и резултат од 9:4 продолжува со натпреварите. Воведните две минути поминаа во тактичка борба и без освоен бод на двете страни. Борбата се разгори во втората рунда која ја доби македонскиот претставник со 3:1. Во третата рудна Георгиевски доминираше и стигна до триумф.
Во полуфиналето ќе се сретне со таеквондистот Ин од Кореја. Оваа борба е закажана за 9:45 часот по македонско време.
Поврзани вести
Останати спортови
Македонски таеквондист Дејан Георгиевски ќе се бори за европско злато
Останати спортови
Дејан Георгиевски дојде до сребрен медал на Г1 турнирот во Скопје, Мила Релјиќ освои злато
Скопје
