Возачот на Ред Бул, Макс Верстапен го освои првото место во квалификациите за Големата награда на Белгија, но нема да стартува од првото место на неделната трка.
Одговорот е дека Макс Верстапен е казнет со пет места поради промена на менувачот, па во недела ќе стартува од шестото место.
Ова му одговара на возачот на Ферари, Шарл Леклер, кој го освои второто место и кој автоматски од првото место ќе ја започне трката на патеката Спа Франкошамп.
Третото место го зазеде вториот возач на Ред Бул, Серхио Перез, за кого ова по долго време е прифатлива квалификација, бидејќи беше катастрофален во квалификациите на претходните патеки.
Редоследот зад Мексиканецот е следен, Хамилтон, Саинц, Пјастре, Норис, Расел, Алонсо и Строл. Тоа е пласман до десеттото место.
Голем проблем во квалификациите беше дождот кој падна пред почетокот на борбата за места во трката во недела, а поради тоа стартот доцнеше десет минути.
Кога се започна, патеката почна брзо да се суши, но сите возачи останаа на своите гуми за променливото време во текот на првиот дел од квалификациите.
Во вториот дел од квалификациите видовме вистинска возбуда, во Q2 за малку ќе отпадна Макс Верстапен, кој на крајот го зазеде деветтото место, но имаше среќа што сепак беа побавни Пјер Гасли и Кунода.
Последните 12 минути беа многу возбудливи како и обично, мораме да кажеме дека возачите на Ферари беа одлични и долго време не сме ги виделе да работат вака добро оваа сезона.
По првите кругови во Q3, најдобар беше Леклер, но кога сите преостанати возачи излегоа во последните кругови, Верстапен сепак покажа дека е најдобар оваа сезона и дека нема рамен. Макс убедливо и доминантно го постави најдоброто време, но поради казната спомената погоре, тој сепак ќе ја започне трката во недела од шестото место.
Трката за Големата награда на Белгија е закажана за недела во 15 часот, додека спринтерската трка е закажана за сабота. Најпрвин квалификациите ќе се одржат од 12:00 часот, а потоа трката од 16:30 часот.
🏁 QUALIFYING CLASSIFICATION 🏁
Charles Leclerc inherits pole position from Max Verstappen due to a 5-place grid penalty #BelgianGP #F1 pic.twitter.com/TQ3xuxvNz9
— Formula 1 (@F1) July 28, 2023
