По шокантната елиминација на Данило Медведев на стартот на Мастерсот во Монтреал, на социјалните мрежи се појави видео од рускиот ас кое предизвика бурни реакции кај тениските фанови ширум светот.
Да потсетиме, првиот светски рекет беше елиминиран од контроверзниот Австралиец Ник Киргиос со 1:2 (7:6, 4:6, 2:6) во второто коло на Монтреал.
На нервозниот Русин повеќе влијаеше однесувањето на публиката, која беше на страната на Австралиецот во текот на целиот меч, отколку поразот.
Во неколку наврати од трибините се слушаа прозивки и навреди против рускиот тенисер, па Медведев беше доста бесен по мечот поради однесувањето на публиката.
По натпреварот, камерата го фати моментот кога навивачите му довикуваат на Медведев додека тој го напушта стадионот. Го обвинија дека е „лузер“, па Русинот се налути и реши да се пресмета со провокаторите.
Русинот налутено му пришол на еден навивач и извикал: „Што рече?!“
Во моментов се чинело дека ситуацијата може да ескалира, но обезбедувањето било присутно и ништо не се случи.
– Не гледај надолу, викна Медведев.
God, how awful can fans be when they chant ‘loser’ to a tennis player after a tough battle on the court 👎🏻
Achieve something yourself in this life..
Having respect for another person is an important rule of a human being. pic.twitter.com/raFBQ8AXN7
— Meddy Family (@dmedvedevfans) August 13, 2022
За среќа, на крајот сè заврши мирно. Некои фанови дури побараа од човекот кој го испровоцира Русинот да се извини за неговото однесување.
