Возачот на Дукати, Џек Милер се искачи на највисокото место на пиедесталот, откако славеше на петтата овосезонска трка во Мото ГП шампионатот, која се возеше за Големата награда на Франција
Австралиецот во Ле Ман, иако поради променливите услови, направи неколку грешки и доби две казни, сепак имаше фантастична трка и ја запиша својата петта победа во кралската класа. На втората позиција заврши Французинот Зарко, додека неговиот сонародник кој стартуваше од првата позиција Фабио Квартараро заврши како трет.
