Макс Верстапен ја запиша четвртата победа оваа сезона, добриот ден на Ред Бул го комплетираше Серхио Перез кој го освои второто место, Леклер не ја заврши трката.

Верстапен на стартот не успеа да го претрка Леклер и продолжи да вози на втората позиција, подоцна направи грешка и падна на четвртото место. Серхио Перез му ја препушти позицијата на Верстапен кој почна дуел со Џорџ Расел, но проблемите со ДРС системот го оневозможија да се врати на второто место.

Но не помина долго Верстапен беш втор затоа што болидот на Леклер откажа и тој ја напушти трката. По неколку менувања на пневматиците, Верстапен успеа да дојде до првото место и да го задржи.

Во меѓувреме Перез се проби на второто место и го комплетираше добриот викенд за Ред Бул. На трето место заврши Расел, четврти беше Карлос Саинц, а петти Луис Хамилтон. Во топ 10 завршија и Ботас, Окон, Норис, Алонсо и Цунода.

Макс Верстапен со оваа победа го презема лидерското место во генералниот пласман пред Леклер и Перез. Следната трка се вози низ улиците на Монако.