Поранешниот возач на Мерцедес, шампион во Формула 1, Нико Розберг раскажа како одбил 100 милиони долари и понуда да продолжи со кариерата во „Кралските трки“.
– Сакав да избегнам да станам личност која никој не сака да ја види во тимот. Се откажав од 100 милиони долари, кои, може да се каже, лежеа на мојата маса. Копнеев за друг живот. Кога се тркате, немате флексибилност за слободното време. Да се одбие беше најдобрата одлука за моето семејство, не размислував за парите ниту секунда, изјави Розберг за „Планет Ф1“.
Тој се повлече од Формула 1 по сезоната 2016, кога ја освои својата прва и единствена титула во светскиот шампионат.
