Хрватскиот ракометар на Вардар, Анте Гаџа поради повреда на предните вкрстени лигаменти нема да игра најмалку шест месеци.
Гаџа се повреди кон крајот на минатиот месец при настап за Хрватска во квалификациите за Европското првенство против Словачка. Серијата лекарски прегледи покажаа дека му настрадале предните вкрстени лигаменти.
Тој наскоро ќе биде опериран, а потоа следува период на рехабилитација кој трае најмалку шест месеци. Тоа значи дека Гаџа ќе пропушти добар дел од следната сезона.
