Шпанскиот гигант Барселона е втор финалист на фајнл-фор завршницата од ракометната Лига на шампиони и ќе игра во финалето во Келн.
Шпанскиот првак се покажа како преголем залак за Нант и нашиот Кире Лазаров, па победи во второто полуфинале со 31:26.
Мем и Гомез со по 5 голови беа најефикасни во редовите на Барселона, додека кај Нант, Лазаров погоди 2 пати, додека најефикасен бил Ривера со 6 голови.
Во утрешното финале, Барселона ќе се бори за европската титула со Алборг, додека Нант ќе игра за третото место во француската пресметка со ПСЖ.
