Ракометната репрезентација на Данска е старо -нов светски шампион, откако во финалето на Мундијалот во Египет, во крајно неизвесен натпревар ја победи Шведска со 26:24 (13:13).
Скандинавското дерби понуди атрактивен меч, резултатска нишалка и многу пресврти, а подолгата клупа на Данска им донесе триумф во ова финале. Одбраните на Никлас Ландин во клучните моменти не ѝ дозволија на Шведска да се врати и да и го украде залтото на Данска
Ландин мечот го заврши со 15 интервенции, а кај стрелците тимот го предводеше Микел Хансен со шест и Нилсен со пет гола. Кај Швеѓаните пак, Хампус Ване пак беше најдобар со пет погодоци, пред Лагергрен со четири.
