Женската ракометна репрезентација на Македонија направи голем чекор до ново учество на континенталните собири откако во 2. коло славеше на гостувањето кај Литванија со 28-31.
Голманката на „црвено-жолтите“ Јована Мицевска која мечот го заврши со осум одбрани, од кои најголемиот дел во клучните моменти од натпреварот, по мечот вели дека е горда што е дел од оваа репрезентација.
„Многу сум среќна и горда што сум дел од оваа репрезентација. Како што напоменав и претходно единствена наша цел е пласман на Европско првенство. Затоа и во Литванија дојдовме да победиме. Дадовме се од себе и верувам дека ќе продолжиме со позитивните резултати во овој квалификациски циклус“, изјави Мицевска.
foto: 24rakomet