Македонија ќе има претставник во елиминационата фаза од машкиот ракометен Олимписки турнир во Токио.
Судиската двојка Ѓорги Начевски и Славе Николов ќе ја делат правдата на мечот од четвртфиналната фаза во која ќе се сретнат Германија и Египет.
Македонците досега судеа неколку дерби-дуели во Токио и секогаш беа на висина на задачата, а доколку ја продолжат серијата беспрекорни арбитражи и на утрешното четвртфинале, нема сомнеж дека тие потоа ќе бидат дел и од самата заавршница и битката за медали на овие Олимписки Игри.
