Ракометарките на Чаир на домашен терен беа поразени од Макаби со 30:33 во 1/16 финалето од Европската лига.
Гостинките од Израел покажаа зошто се фаворити во двомечот. Посебно ефикасни беа во првото полувреме. Одбраната на домаќините не функционираше и за 30 минути прими дури 18 голови.
Сепак, тоа не ги обесхрабри чаирчанки кои во вториот дел се покажаа во едно поинакво светло.
Македонскиот претставник имаше водство во вториот дел, сепак немаше доволно сили да се избори за целосен пресврт. Макаби во завршницата рутински го приведе натпреварот кон крајот и ја потврди победата.
Реваншот е закажан за шест дена.
