На патот Куршумлија-Прокупље, почина и петтиот повреден патник од автобусот кој се судри утрово со камион, по што целосно се запали и изгоре.
На местото на настанот починале и возачот на автобусот и возачот на камионот и уште двајца патници кои биле јагленосани, а предмалку починала и петтата жртва, тешко повредена медицинска сестра од Прокупље. Таа за жал починала на операциона маса во Клиниката.
Се работи за 50-годишната Р.Д. која имала повреди на градниот кош и стомакот.
Инаку, несреќата се случи утрово во 6 часот и 45 минути кога автобусот поминал на спротивна лента и директно се судрил со камионот.
