Специјалниот суд во Белград денеска го продолжи притворот за уште 30 дена на членовите на организираната криминална група Вељко Беливук и Марко Миjковиќ, кои се обвинети за убиство, трговија со дрога и други кривични дела.
Нивниот притвор беше продолжен со одлука на судот на претходна постапка од сите правни причини – опасност од бегство, опасност од криење или уништување докази, за да не ги повторат кривичните дела за кратко време, како и јавно вознемирување .
Обвинетите и нивниот бранител можат да поднесат жалби против оваа одлука до кривичниот вонсудски совет на судот во рок од три дена.
Беливук и Миjковиќ беа уапсени на 4 февруари под сомнение дека организирале криминална група што извршила најтешки злосторства, криејќи се зад навивачката група „Принципи“ на Партизан.
Покрај нив, во тоа време беа уапсени уште 20-тина членови на групата, а Обвинителството за организиран криминал започна истрага против 22 лица.