Воведувањето рестриктивни мерки за борба против пандемијата на коронавирусот значително го намали приливот на илегални мигранти во Словенија во првите шест месеци од годинава.
Сепак, полицијата сега повторно регистрира зголемување на бројот на нелегални обиди за преминување на границата.
Бројот на странци кои влегле во Словенија без соодветни документи или дозволи во првите шест месеци се намалил за 22 проценти во однос на истиот период лани, главно поради ограничувањата воведени за борба против пандемијата на коронавирусот, пренесува агенцијата СТА.
Земјите од Западен Балкан воведоа ограничувања за движење, па дури и затворија центри за мигранти. Сепак, се проценува дека во Босна и Херцеговина останале меѓу 10.000 и 15.000 мигранти. (МИА)
