Земјотрес со јачина од 4,2 степени според Рихтеровата скала во текот на ноќта ги стресе областите Ахаја и Етолија-Акарнанија во западна Грција.
Земјотресот се случил во 2:20 часот, пренесува АНА.
Според Институтот за геодинамика на Атинската национална опсерваторија, епицентарот на земјотресот бил на седум километри југозападно од градот Нафпактос, на длабочина од 16 километри.
Евро-медитеранскиот сеизмолошки центар наведува дека јачината на земјотресот била 4,5 степени според Рихтеровата скала, а епицентарот бил на 12 километри северно од градот Патра.
