Во специјалниот суд во Белград заврши денешното прелиминарно рочиште за судскиот процес против организираната група на Вељко Беливук и Марко Миљковиќ, чии членови се товарат за седум убиства, трговија со дрога, недозволено поседување и носење оружје, киднапирање и силување.
Како што брифираа адвокатите за новинарите, Беливук на воведното излагање зборувал мирно и сталожено, оспорувајќи ја комуникацијата од апликацијата „Скај“ како и мелницата за месо, во која, како што стои во обвинението, членовите на групата ги мелеле луѓето кои претходно биле убиени.
Миљковиќ во своето излагање, како што информираат адвокатите, рекол дека „да се биде мртов не е кривично дело и дека ако нема извештај од обдукцијата, лицето не е мртво“.
