Бебе старо само 23 дена почина во саботата на Клиниката за инфективни болести „Др. Фран Михаљевиќ“ во Загреб, јавија медиумите во Хрватска.
Трагичната вест ја објавија од Клиниката за инфективни болести „Др. Фран Михаљевиќ.
„Се утврдуваат сите околности на смртта, а по неопходната анализа на комплетната медицинска документација и евентуалните дополнителни процедури, јавноста ќе биде информирана за причините за смртта“, стои во краткото соопштение од Клиниката.
Како што неофицијално дознава порталот 24сата, детето било позитивно на КОВИД, но болницата ги истражува причините за смртта, пренесува Дневник.хр.
Во вторникот наутро на Клиниката починала и мајка која била приклучена на апарат за кислородна поддршка.
