Претседателот на Србија и кандидат на СНС, Александар Вучиќ вечерва соопшти дека според податоците на неговата партија, на досега обработениот избирачки материјал, освоил меѓу 59,9 и 60,1 процент од гласовите.
Резултатите се однесуваат на избројаните 85 отсто гласови од цела Србија, гласовите од Косово и дијаспорта.
Пред новинарите, во своето обраќање, истакна дека Здравко Понош освоил 17,7 проценти од гласовите, Милош Јовановиќ- 5,9, Милица Ѓурѓевиќ Стаменковски 4,5 проценти.
Бошко Обрадовиќ – 4,4 отсто, Миша Вациќ – 0,9, Билјана Стојковиќ – 3,15 и Бранка Стаменковиќ – два проценти.
Александар Вучиќ е првиот српски претседател кој двапати попбедува во првиот круг од изборите.
