Американскиот претседател Џо Бајден денеска разговараше со шведската премиерка Магдалена Андерсон и финскиот претседател Саули Ниинисто нешто повеќе од половина час, соопшти Белата куќа. Финска и Шведска сигнализираат своја намера да се приклучат на НАТО.
Ниинисто на Твитер напиша дека во заедничкиот телефонски разговор била изразена длабока загриженост поради војната што Русија ја води во Украина. Тој напиша дека на Бајден му ги објаснил „следните чекори на Финска” кон станување дел од трансатлантската одбранбена група и дека неговата земја „длабоко ја цени сета потребна поддршка од САД”.
