Сопругот на кралицата Елизабета Втора, принцот Филип (1921-2021) почина денес на 99-годишна возраст, потврди Бакингемската палата.

Во оваа прилика, се сеќаваме на волшебниот брак меѓу него и кралицата Елизабета Втора, кој траеше цели 73 години.

Тој бил убав, русокос и висок принц на Грција кој ја импресионирал младата принцеза, тогаш позната како Лилибет.

Кога тогашниот крал Џорџ и кралицата Елизабета Прва го посетиле морнаричкиот колеџ со своите две ќерки, тогаш 18-годишниот Филип и 13-годишната Елизабета Втора го имале првиот официјален состанок во 1939 година.

Од тој момент, тие редовно се допишувале и се состанувале неколку пати. Филип бил поканет да го помине Божиќ 1943 година со кралското семејство во Виндзор, а до крајот на војната, медиумите шпекулирале за деталите за нивната врска.

Имало одредено неодобрување и сомневање кон „странскиот“ принц во повоените години. Дворјаните од старата школа биле загрижени дека тој не е традиционален англиски господин, иако се борел за Британија во морнарицата.

Но, Филип и Елизабета веќе биле за вљубени. Се верува дека тие биле неофицијално свршени летото 1946 година, додека биле во Балморал, но официјалното соопштение било одложено сè додека принцезата Елизабета не наполнела 21 година и не се вратела од кралската турнеја низ Јужна Африка.

Филип поднел барање за британско државјанство и во февруари 1947 година станал британски државјанин, одрекувајќи се од грчката кралска титула.

Тој прифатил ново презиме, но се откажал од семејното презиме Шлезвиг-Холштајн-Сондербург-Глуксбург од данската кралска куќа од каде потекнува неговиот татко. Тој ги усвоил презимето на неговата мајка и англиканско Маунтбатен.

На 20 ноември 1947 година, нацијата славела венчавка од бајките. Во опатија на Вестминстер, тогашната принцеза блескала во свилен фустан со 10.000 бисери и кристали. Во мрачното повоено секојдневие „тоа беше здив на бојата на тешкиот пат на закрепнување“, рече тогаш Винстон Черчил.

Тие биле нарекувани принцезата од бајките и шармантниот принц. Лојалноста на Филип кон неговата сопруга била јасна. Неговиот прв приватен секретар, Мајкл Паркер, кој беше негов пријател од морнарицата, откри:

– Ми рече на првиот ден кога ми понуди работа дека е негова прва, втора и последна работа што никогаш не ја изневери Елизабета – откри Мајкл.

Нивното прво дете, Чарлс, се роди во Бакингемската палата во ноември 1948 година. Ана е родена во Кларенс Хаус во август 1950 година. Десет години подоцна, во февруари 1960 година, Ендру е роден и во Бакингемската палата, додека Едвард е роден во март 1964 година.