Бразилските весници вчера по грешка објавија дека починала кралицата Елизабета Втора.
Фолха де Сао Паоло погрешно ја објави смртта на британскиот монарх на својата веб-страница во понеделникот околу пладне, информирајќи ги милиони јужноамерикански читатели дека кралицата починала „како резултат на XXXXXXXX“ на возраст од „ХХ“.
– Елизабета ќе остане запишана во историјата како британскиот суверен кој владеел најдолго – напишале во почит од 1.300 зборови на кралицата која, како што се испостави, се уште е жива.
Сфаќајќи ја грешката, ја избришале веста, велејќи дека се работи за „техничка грешка“.
– Во новинарството, нормална практика е да се подготвуваат стории за можни и/или веројатни ситуации, како што се смртта на светски лидери, познати личности и јавни личности. Фолха жали за грешката – се наведува во весникот.
