Надзорните камери во државата Пернамбуко во Бразил го фатиле застрашувачкиот момент кога татко го предава детето на сопругата, бидејќи сфаќа дека ќе биде убиен.

Адвокатот Андре Рибеиро (46) го паркирал својот автомобил пред една куќа, го заобиколил, ја отворил вратата и го извадил детето од автомобилот, додека напаѓачот го демнел од заседа.

Неколку моменти подоцна, маж во бела блуза со капа на главата се појавил во кадар и вперил пиштол во него.

Таткото го погледал и брзо го предал детето на сопругата, не покажувајќи страв. Потоа клекнал покрај возилото, а напаѓачот од непосредна близина испукал пет куршуми во него.

Рибеиро починал истиот момент, а неговата сопруга и ќерка се неповредени. Убиецот избегал од местото на настанот.