Најмалку осум лица, меѓу кои шест мали деца, утринава беа избодени со нож во близина на игралиште во југоисточна Франција. Според полицијата, напаѓачот бил совладан и уапсен, а три деца се во критична состојба.
Нападот се случил нешто пред десет часот во градот Анеси. Полицијата добила дојава за нападот и за неколку минути пристигнала на местото на настанот.
Напаѓачот, чиј идентитет се уште не е потврден, избодел најмалку осум лица, меѓу кои шест деца.
Tout mon soutien aux victimes de cette terrible attaque et aux forces de l’ordre intervenues ce matin pour neutraliser l’assaillant.
https://t.co/cadI8qanzE— Virginie Duby-Muller (@DubyMuller) June 8, 2023
Три од нив се во критична состојба, а француските медиуми јавуваат дека нападнатите деца се на тригодишна возраст и одат во локалната градинка.
Според некои информации, напаѓачот е по потекло од Сирија и има 32 години и не ѝ е претходно познат на полицијата.
Полицијата го обезбедувала теренот, а било забележано дека на лице место слетал и хеликоптер.
Бројни француски функционери се упатија кон југоисточниот дел на земјата, каде што се случи страшниот напад.
