Пожар изби на еден од последните катови на Кулата Трамп во Њујорк, објавија американските медиуми.
Пожарникарите се обидуваат да го изгаснат огнот.
Засега нема информации за причината за пожарот, во чие гаснење учествуваат 100 пожарникари.
Седиштето на бизнис империјата на американскиот претседател Доналд Трамп е облакодер од 58 катови во центарот на Менхетн, каде се наоѓа и домот на семејството Трамп. Покрај луксузни станови во Кулата Трамп во Њујорк голем број компании имаат свои седишта.
