Украинската компанија Енергоатом соопшти дека најголемата европска нуклеарна централа Запорожје е пред затворање бидејќи е префрлена на резервен далновод кој има помалку од половина од капацитетот на главниот.
Руското раководство на украинската електрана соопшти дека реакторот број 4 е префрлен од „врело“ во „ладно исклучување“ поради индиции за истекување на пареа. Еден од шесте реактори мора да биде во „врело исклучување“ за да произведе пареа за потребите на централата.
„Персоналот во фабриката открил индиции за истекување во дел од цевката бр.3 на генератор на пареа“, објави менаџментот на Телеграм. „За да се задоволат потребите за помошна пареа на нуклеарната централа Запорожје, се размислува за префрлање на единицата број 6 во состојба на „врело исклучување“.
