Сирискиот претседател Башар ал-Асад го назначи поранешниот заменик-министер за надворешни работи, Фајсал Мекдад, за нов министер за надворешни работи, откако досегашниот шеф на дипломатијата Валид ал-Моалам почина минатата недела.
Американските медиуми пренесуваат дека, како и неговиот претходник, и Мекдад (66) е дипломат од кариера, кој е многу близок на претседателот Асад, и кој остро ја критикуваше опозицијата за време на речиси десетгодишната војна во Сирија.
Тој ја претставуваше Сирија на конференциите ширум светот откако стана заменик министер за надворешни работи во 2006 година.
Асад, исто така, го назначи амбасадорот на Сирија во ОН, Башар ал-Џaфари, за нов заменик во Министерството за надворешни работи.
