Најмалку четири лица се повредени при пожар во Светскиот трговски центар во Хонгконг.
Околу 300 луѓе се заробени на покривот на 38-катната зграда, во фреквентниот трговски кварт во Козвеј Беј.
Локалните власти го класифицираа пожарот како трето ниво на инцидент на скалата од 1 до 5.
Весникот „Саут Чајна Морнинг Пост“ пишува дека купувачите и гостите на ресторанот се меѓу оние кои сè уште се заробени во зградата, која функционира како комплекс на трговски центар и деловен, канцелариски простор.
