Илон Маск, Џеф Безос и Бил Гејтс загубиле 115 милијарди долари богатство за само 5 месеци

03. јуни 2022. @ 11:21 2 мин.

Американскиот бизнисмен Илон Маск и основачот на „Amazon“, Џеф Безос, и понатаму се најбогатите луѓе на светот, но оваа година нето вредноста на Маск, Безос и Гејтс е намалена за 115 милијарди долари.

Нето вредноста на Маск од 224 милијарди долари и понатаму го прави најбогатата личност на светот со голема разлика. Милијардерите претрпеа колективен удар на својата нето вредност по крахот на берзата. Неговото богатство опадна за 46,4 милијарди долари, богатството на Безос за 53,2 милијарди долари, а богатството на Гејтс за 15,1 милијарда.

Илон Маск „тежи“ 224 милијарди долари, Безос – 139 милијарди долари, а Гејтс – 123 милијарди долари.

Бернард Арно, претседател на францускиот луксузен конгломерат „LVMH“ и третата најбогата личност на светот пред Гејтс, се соочи со намалување на богатството за 44,7 милијарди долари на 133 милијарди долари од јануари.

Поголемиот дел од богатството на Маск и Безос потекнува од акциите во „Tesla“ и „Amazon“, компаниите во кои тие се извршни директори, но уделот на Гејтс во „Microsoft“ сега е релативно скромен. Маск поседува 15,6 отсто од уделот во „Tesla“, вреден околу 122 милијарди долари, откако акциите на произведувачите на електрични автомобили паднаа за речиси 37 отсто оваа година.

Исто така, во април стекна 9,2 отсто удел во социјалната мрежа „Twitter“, што доведе до тоа инвеститорите да ја доведат во прашање неговата посветеност на „Tesla“. Маск ги продаде акциите во оваа компанија вредни 8,4 милијарди долари и издвои 44 милијарди долари за купување на „Twitter“.

Гејтс има разновидно портфолио кое му помогна да го преброди падот на берзата. Добротворната организација која ја создаде со својата сега веќе поранешна сопруга, првенствено вложува во фондот „Berkshire Hathaway“ на Ворен Бафет, кој оваа година порасна за повеќе од 5 отсто.

Војната на лидерите меѓу себе продолжува. Основачот на „Tesla“ и „SpaceX“ е вмешан во јавна вербална војна со Гејтс и Безос, со серија твитови во кои го обвинува Гејтс дека „игра валкано“ и во кои му порачува на Безос да поминува помалку време на забави доколку сака да влезе во орбитата со својата компанија „Blue Origin“.