Основачот на компаниите Тесла, Боринг и Спејс X, Илон Маск понуди помош во спасувањето на 12. деца кои веќе полни две недели се заробени во пештера во Тајланд со својот тренер.
Него корисниците на социјалната мрежа Твитер го прашаа дали сака да им помогне, а тој одговори потврдно, не прецизирајќи како тоа ќе го направи.
Овој успешен претприемач и милијардер моментно се бави со пробивање на подземни тунели во големите градови во Соединетите Американски Држави, кои би требало да послужат за неговиот футуристички систем Луп, пишува Бизнис инсајдер.
Маск во последно време е многу поактивен во комуникацијата на Твитер. Во април и мај Маск двојно го бројот на твитови, од кои 80 отсто од нив беа одговори на прашања.
Hi sir, if possible can you assist in anyway to get the 12 Thailand boys and their coach out of the cave. @elonmusk
— MabzMagz (@MabzMagz) July 3, 2018
Иако не е јасно зошто стана толку активен на оваа социјална мрежа, како што пишува Бизнис инсајдер, постои врска меѓу твитовите и работата на Маск.
Во минатата година Маск на Твитер се обложи со Мајк Канон Брукс од Атласиана дека Тесла може да направи најголема литиум-јонска батерија на светот во Австралија, за 100 дена. Тоа и успеа да го направи. Доколку не го направеше, тоа ќе го чинеше 50 милиони долари или повеќе.
