Францускиот претседател Емануел Макрон изјави дека пристапувањето во Европската унија „не може да биде единствениот одговор за стабилноста“ на соседните земји како Украина, Молдавија и Грузија.

„Пред сè, затоа што тоа е процес кој со право бара, и затоа што мораме да продолжиме да ја поедноставуваме нашата Европа за да биде поефикасна“, рече Макрон за време на заедничката прес-конференција со молдавската претседателка Маја Санду во главниот град на Молдавија, Кишињев.

Тој ја истакнал важноста од градење на поширока европска политичка заедница за соработка за клучните прашања како што се одбраната и безбедноста, што нема да биде замена за адхезијата.

Лидерите на ЕУ ќе се соберат на крајот на јуни во Брисел за да разговараат за кандидатурите на Украина, Молдавија и Грузија. Ова ќе биде последен самит на ЕУ што се одржува под француското претседателство.

„Мојата улога е да изградам консензус“, рече Макрон.

Франција, исто така, презеде иницијатива да ја води Европската платформа за поддршка на Молдавија, која ѝ ветува на источноевропската земја помош од 650 милиони евра, според Макрон.