Постојаните претставници на земјите од НАТО се согласија да го активираат одбранбениот план, кој предвидува распоредување сили за реагирање во земјите од Алијансата за време на кризниот период со цел да се заштитат сојузниците, изјави генералниот секретар на Алијансата, Јенс Столтенберг.

– Разговаравме за моменталната ситуација. По препораките на воените советници, постојаните претставници се согласија да го активираат нашиот одбранбен план, кој предвидува распоредување сили во сојузничките земји за време на кризата, вклучително и силите за одговор, рече Столтенберг.

Тој додаде дека се преземени мерки за заштита на сојузниците. Исто така, прецизираше дека на територијата на Украина нема сили на НАТО, и дека не се планира нивно испраќање таму.

– Ја поддржуваме Украина, но даваме силни безбедносни гаранции само за сојузниците во НАТО, рече Столтенберг.

Според него, на состанокот на претставниците на земјите од НАТО не се разговарало за затворање на Босфорот и Дарданелите на Турција за руските бродови.