Нивото на водата во Венеција повторно расте, три дена по најголемото забележано ниво на поплави во последните 50 години.
Се предвидува нивото на водата денеска да се искачи на 160 сантиметри, што е многу над нормалното ниво.
На Плоштадот Свети Марко водата сега е „до колена“.
Италијанската Влада прогласи вонредна состојба во Венеција откако нивото на водата се искачи на 187 сантиметри.
Поплавите во Венеција се предизвикани од обилните дождови, полната Месечина, високата плима и ветерот.
Венеција почна со изградба на подвижни бариери наречени „Мојсиј“, чија цел е да ги спречат поплавите. Но, подвижните бариери наидоа на критики од екологистите, кои оценуваат дека со тоа ќе биде уништен екосистемот на заливот, како и поради зголемените трошоци и скандалот со корупцијата.
