Голем пожар избувна денеска во индустриска зграда во швајцарската општина Шпрајтенбах, во близина на Цирих, соопшти полицијата.
Како што наведе таа, итната помош згрижила три лица кои вдишале чад.
– Не знаеме дали се уште има луѓе во зградата бидејќи во моментов не можеме да влеземе внатре. Чадот е многу густ, а зградата се уште гори, изјави портпаролот на полицијата на кантонот Аргау, Адријан Бири.
Тој истакна дека зградата веројатно се користи како складиште за запаливи материјали за изградба на патишта.
Противпожарната служба се наоѓа на местото на инцидентот, а на оддалеченост од неколку километри е забележан голем облак од чад, објави телевизијата СРФ.
Весникот „Тагесанцајгер“ објави видео и фотографии од облак чад кој се издигнува кон небото.
