Поранешниот фудбалер на Ливерпул, Ентони Ле Талек вели дека бил сведок на дел од нападот на човекот кој нападна група деца со нож во парк во близина на езерото Анеси, на игралиште. Говорејќи во видео на Инстаграм, тој вели дека трчал покрај езерото во Анеси и се присети на луѓето кои трчале кон него, велејќи му да бега, бидејќи самите го виделе напаѓачот кој со нож ги нападнал децата.

Ле Талек вели дека осомничениот потоа се појавил пред него додека полицијата го бркала.

„Ми пријде, па се оддалечив, се оддалечив“, вели тој. „Го видов како оди кон баба и дедо, а го нападна дедото“, додаде тој. „Им реков на полицајците „Пукајте во него! Убијте го!“, додава тој.

Замавнал еднаш, два пати и потоа почнале да пукаат.

Ле Талек вели дека продолжил да трча покрај езерото и ги забележал децата кои биле повредени во нападот.

„Жално е, но лудо е да се случи ова во Анеси“, коментира тој, пренесе Би-Би-Си.