Портпаролот на Кремљ Дмитриј Песков денеска откри дека четвртиот круг преговори меѓу Русија и Украина наводно ќе продолжи утре.

Иако во медиумите се појавија информации дека се водат преговори, Песков ги демантираше овие тврдења, велејќи дека средбата на руската и украинската делегација е закажана за утре.

– Не, разговорите се закажани за утре – најави Песков.

Песков вчера најави дека преговорите меѓу Москва и Киев за конфликтот во Украина, кои се водеа лице в лице во Белорусија, ќе продолжат преку видео врска.

Претходно денеска зборуваше и членот на украинскиот тим Михаил Подољак кој рече дека натамошни разговори меѓу Русија и Украина би можеле да се одржат следната недела.

– Штом ќе се разработат меѓусебните правни формати, ќе биде закажана средба – четврта рунда преговори. Тоа може да биде утре, задутре – рече Подољак претходно денеска во изјава за Белоруската државна новинска агенција Белта.

Тој додаде дека на преговарачката маса ќе има различни предлози, меѓу кои политичко решение и најважно, воено.

– Мислам на прекин на огнот, формула за прекин на огнот и повлекување на војниците. Веројатно нема потреба да одите понатаму и само да разговарате. Разговаравме за сите прашања, сега се обидуваме тие прашања да ги спакуваме во некои правни формати – рече Подољак.

Членот на рускиот преговарачки тим Леонид Слуцки изјави дека во споредба со почетокот на преговарачкиот процес, Москва и Киев постигнале значителен напредок во постигнувањето резултати.

Да потсетиме дека првите три рунди преговори се одржаа во Белорусија.