Турскиот министер за надворешни работи Мевлут Вуавушоглу изјави дека украинскиот претседател Володимир Зеленски и рускиот лидер Владимир Путин би можеле да се сретнат доколку условите за решавање на конфликтот се „при рака“.
– Постои можност двајцата лидери да се сретнат, доколку има основа за договор за прашања кои ги гледаме како приближување – изјави Чавушоглу во Лавов, на заедничката прес-конференција со неговиот украински колега Дмитриј Кулеб, пренесува Би-Би-Си.
Тој изјави дека „потребно е што поскоро да се подготви теренот за средба на лидерско ниво и дека веќе најавиле дека се подготвени да бидат домаќини“.
Чавушоглу рече дека се надева на прекин на огнот во јужниот украински пристанишен град Мариупол, каде што рече дека се уште има повеќе од 100 турски државјани.
