Телото се уште не е идентификувано, а продолжува потрагата по членовите на екипажот, составен од 30 Иранци и двајца државјани на Бангладеш.
Кинеските медиуми наведуваат дека пожарот се уште не е изгаснат и оти постои опасност од експлозија. Во моментот на судир, танкерот превезувал околу 136.000 тони нафта.
Нафтениот танкер Санчи, регистриран во Панама, пловел од Иран кон Јужна Кореја кога во Источното Кинеско Море, на 257 км од Шангај, се судрил со брод што превезувал жито. Кина, Јужна Кореја и САД испратија бродови и авиони во потрага за екипажот на Санчи. Екипажот на другиот брод, составен од 22 Кинези, бил спасен.